Actividade de maxia na que os protagonistas son os libros. Números de maxia para interaccionar coa rapazada e que estes entendan a lectura como experiencia máxica, chea de ilusión. Aparición de moedas dentro de libros, libros que se colorean por arte de maxia, carta debuxada con maxia nun bloc, peixe ilustrado que se converte en real, predición de libros agochados pola Biblioteca, xornal que se rompe e recompón de novo, auga que desaparece dentro dun xornal.
Ao tempo que se entretén transmítese o valor dos libros e anímase á lectura. Mensaxes: ler fainos saber, a lectura fai "desaparecer" a ignorancia, le constantemente e adestrarás a túa mente, lectura e humor fan o mundo mellor.
-46.jpg)