EVENTOS

QUE ANOS AQUELES!

Sinopse
Monólogo "Made in Galicia" no que nos embarcaremos nunha viaxe ao pasado para lembrar as desventuras dun galego calquera, unha especie de Balbino actualizado.

Xan Veiga tráenos á memoria un bo feixe de costumes, ditos, xogos, cantigas e outras lerias que nos farán matinar no moito que cambiaron as cousas dende aquela... do moito que cambiaron ou non.




 

GALEGO PODE SELO CALQUERA

Sinopse
Ser galego é doado? Depende.
Os galegos temos un xeito de ser característico e diferenciado doutros pobos e culturas que nos rodean. Historicamente teñen empregado os tópicos para ridiculizarnos e mofarse de nós, feito que explicaría en parte que arrastremos algo de autoxenreira.

Eses tempos foron pasando e agora xa somos quen de defendernos con orgullo dese estigma combatendo aos ignorantes, ríndonos dos propios defectos e chufando das nosas diferenzas.
 

ÁNGELES GOÁS

Narradora oral galega moi xeitosa que engancha cun contar meloso, mainiño e que te mete na historia como se te levara da man.

Ten espectáculos para público infantil e familiar pero tamén para público adulto, "que tamén teñen dereito a que lles anden con contos"...

FILIPA COS CONTOS

Sinopse
Espectáculo “unipersoal”… ou non. Unha sesión “filipante” de contos para toda a familia.

Historias tradicionais, música e humor repártense entre os dous contadores que comparten escenario: o actor Fran Campos e a súa amiga Filipa que lle dará un valor engadido grazas á súa experiencia.  

A narración oral é o fío condutor deste espectáculo para público familiar, que xunto coa teatralización e a música farán que "FILIPA COS CONTOS" se converta nunha actividade moi divertida, educativa e divulgativa.

DETÉ

DETÉ é un grupo unipersoal, porque solista soa moi triste, dedicado, dende hai máis de 20 anos, a levar música en directo a onde faga falla.

No escenario, DETÉ vai fluíndo por unha serie case aleatorio de temas, calquera estilo pode pasar o filtro. Haberá (ou non) pop, rock, música de autor, heavy, indie, latino, rumba... en castelán, galego, inglés... todo pode pasar.

Dous instrumentos e escoller, piano ou guitarra, e dous xeitos de facelo, formal ou desenfadado... para gustos.

ALBERTADAS

Sinopse
ALBERTADAS,  así é como chamaban os compañeiros de Alberte ás improvisadas que este se marcaba no escenario no seu primeiro grupo de teatro. É unha práctica á que lle colleu agarimo e que non abandonou xamais.
 
Amigo de pintar saíndose das liñas, de camiñar ó marxe do rabaño, Alberte ofrece no seu espectáculo un monólogo fresco, orixinal e disparatado.